Fréttir og tilkynningar

Við verðum með námskeið um stærðfræðiskimun á leikskólum hjá Endurmenntun Háskóla Íslands þann 26. janúar n.k. Snemmskráningu lýkur 16. janúar. Sjá nánar um námskeiðið á slóðinni https://endurmenntun.is/search-results?search=MIO

Nú er búið að auglýsa fjarnámskeið Dóróþeu hjá Endurmenntunarstofnun HÍ þann 29. september kl. 13:00-17:00. Hún mun kynna og kenna á verkfæri sem hentar kennurum til að leggja mat á talna-og aðgerðaskilning nemenda sem eru að hefja grunnskólagöngu. Nánar

17. febrúar verður Dóróþea í þriðja sinn með námskeiðð Lengi býr að fyrstu gerði í samstarfi við Endurmenntun HÍ. Ummæli þátttakenda hafa verið afar jákvæð og færri komist að en vilja á fyrri námskeiðin tvö. Það er því ekki eftir neinu að bíða að skrá sig en snemmskráningu lýkur þann 7. febrúar. Nánari upplýsingar og skráning er hér.

Fyrr á árinu rak þessa merkilegu bók á fjörur okkar. Mælum eindregið með henni fyrir þá sem vilja breyta kennsluháttum sínum í átt til meiri virkni nemenda í stærðfræðináminu. Allar þær breytingar sem lagðar eru til í bókinni byggja á áralangri rannsóknarvinnu höfundarins Peter Liljendahl. Óhætt er að segja að tillögur hans séu mjög byltingarkenndar þegar tekið er mið af hefðbundinni stærðfræðikennslu.

Framundan eru tvö námskeið í samstarfi við Endurmenntun Háskóla Íslands. Fimmtudaginn 7. október verður Dóróþea í annað sinn með námskeið fyrir stærðfræðikennara á yngsta stigi og sérkennara sem ber heitið Lengi býr að fyrstu gerð og mánudaginn 11. október verða hún og Þóra Rósa í þriðja sinn með námskeið fyrir starfsfólk leikskóla undir heitinu Stærðfræði-leikur og lítil börn. Bæði þessi námskeið hafa verið mjög vel sótt og ummæli þáttakenda benda til að við getum óhræddar mælt með þeim.

Í síðustu viku hófst námskeiðið Stærðfræðinám og upplýsingatækni hjá Menntafléttunni. Gaman er að segja frá því að starfsmenn Gloppu eru meðal leiðbeinenda á því námskeiði.

Nú hafa nýir kennarar sem nota kennsluefnið og kennsluaðferðir Neista fengið sitt haustnámskeið. Þar er farið yfir hugmyndafræðina og þá ráðgjöf sem kennarar fá í vetur. Þá var einnig farið í Breiðagerði sem er upphafsskólinn og rætt við reynda kennara og reynsluna og fram kom mikil ánægja með þetta efni og aðferðir.

Þá hafa starfsmenn Gloppu farið í yfirlestur og endurbætur á námsefninu og hafa góðar ábendingar kennara síðustu ár verið rauði þráðurinn í þeirri vinnu. Gert er ráð fyrir að þeirri vinnu ljúki á þessu ári.

Ef skólar hafa áhuga á að kynna sér þetta efnið hafið þá endilega samband við okkur 🙂

Við kynnum með stolti nýja heimasíðu Gloppu sf. Fyrirtækið var stofnað árið 2017 og var fyrsta verkefni þess að þýða og gefa út MIO, sem er stærðfræðiskimunarefni fyrir leikskóla. Á þeim tíma sem liðinn er síðan hefur okkur vaxið ásmegin og sinnum nú fjölbreyttu námskeiðahaldi og þróunarstarfi, einkum á sviði stærðfræðimenntunar. Allt um það á nýju heimasíðunni.

Samstarf Gloppu sf og Skólaþjónustu Rangárvalla- og Vestur-Skaftafellssýslu um endurmenntun stærðfræðikennara grunnskólanna á svæðinu er hafið. Verkefnið er styrkt af Endurmenntunarsjóði Grunnskóla og stendur skólaárið 2021-2022.