Fréttir og tilkynningar

Nú hafa nýir kennarar sem nota kennsluefnið og kennsluaðferðir Neista fengið sitt haustnámskeið. Þar er farið yfir hugmyndafræðina og þá ráðgjöf sem kennarar fá í vetur. Þá var einnig farið í Breiðagerði sem er upphafsskólinn og rætt við reynda kennara og reynsluna og fram kom mikil ánægja með þetta efni og aðferðir.

Þá hafa starfsmenn Gloppu farið í yfirlestur og endurbætur á námsefninu og hafa góðar ábendingar kennara síðustu ár verið rauði þráðurinn í þeirri vinnu. Gert er ráð fyrir að þeirri vinnu ljúki á þessu ári.

Ef skólar hafa áhuga á að kynna sér þetta efnið hafið þá endilega samband við okkur 🙂

Við kynnum með stolti nýja heimasíðu Gloppu sf. Fyrirtækið var stofnað árið 2017 og var fyrsta verkefni þess að þýða og gefa út MIO, sem er stærðfræðiskimunarefni fyrir leikskóla. Á þeim tíma sem liðinn er síðan hefur okkur vaxið ásmegin og sinnum nú fjölbreyttu námskeiðahaldi og þróunarstarfi, einkum á sviði stærðfræðimenntunar. Allt um það á nýju heimasíðunni.

Samstarf Gloppu sf og Skólaþjónustu Rangárvalla- og Vestur-Skaftafellssýslu um endurmenntun stærðfræðikennara grunnskólanna á svæðinu er hafið. Verkefnið er styrkt af Endurmenntunarsjóði Grunnskóla og stendur skólaárið 2021-2022.

Gloppa sf verður samstarfsaðili Grunnskóla Fjallabyggðar í þróunarverkefninu Stærðfræðinám í lærdómssamfélagi sem standa mun næstu tvö skólaár. Sprotaðasjóður og Endurmenntunarsjóður grunnskóla veittu styrk til verkefnisins.

Markmiðið er að koma upp sterku lærdómssamfélagi bæði nemenda og kennara. Áhersla verður lögð á að nemendur læri í samstarfi hver við annan og þjálfist í að gera grein fyrir hugsun sinni og lausnaleiðum. Með kennurum verður byggt upp lærdómssamfélag þar sem áherslan verður á samræðu, samvinnu, ígrundun og endurmat.